港鐵查飛再有風波惹爭議！男子站內拒查票遭6職員𥄫實 (有片)

近日《東張西望》報道過，有港鐵乘客入閘後被職員疑似老屈「逃票」事件，亦有觀眾報料，指使用手機八達通入閘時出現問題，到站後同樣被指無入閘紀錄。不過事件再掀起風波，一名男子在港鐵站內因拒查票，而遭6名職員「𥄫實」，事件被乘客拍下影片，再於網上瘋傳。

港鐵查飛｜男子站內拒查票遭6職員𥄫實

網上一段長約11秒的影片，自周一（1月13日）起在社交平台上廣泛流傳。據該段影片顯示，一名男子在港鐵旺角站拒絕接受職員查票，並稱要「玩大龍鳳」。

影片內可見，該名男子身穿長袖衣服及短褲，他站在指示牌旁的靠牆位置，應該位處旺角站中間。他同時被6名港鐵職員包圍，無法離開。其間男子亦拿出手機拍攝着多位職員，並大聲數數字「1、2、3、4、5、6」，男子其後的語氣愈來愈激烈。然而，港鐵職員一直冷靜地站立觀察，未見有進一步的行動。

港鐵查飛｜影片截圖：

港鐵查飛再有風波惹爭議！男子站內拒查票遭6職員𥄫實港鐵查飛再有風波惹爭議！男子站內拒查票遭6職員𥄫實港鐵查飛再有風波惹爭議！男子站內拒查票遭6職員𥄫實港鐵查飛再有風波惹爭議！男子站內拒查票遭6職員𥄫實港鐵查飛再有風波惹爭議！男子站內拒查票遭6職員𥄫實港鐵查飛再有風波惹爭議！男子站內拒查票遭6職員𥄫實港鐵查飛再有風波惹爭議！男子站內拒查票遭6職員𥄫實港鐵查飛再有風波惹爭議！男子站內拒查票遭6職員𥄫實港鐵查飛再有風波惹爭議！男子站內拒查票遭6職員𥄫實港鐵查飛再有風波惹爭議！男子站內拒查票遭6職員𥄫實

港鐵查飛｜網民持正反意見！

影片引來網民熱議，有人指港鐵職員「亂恰人」、欺負乘客，也有網民批評男子的行為不正確，認為乘車便應付款，「其實港鐵職員有冇權利拘留市民？」、「職員有權查飛 正常都會合作啲喇，找自己麻煩咩唔通」、「搭車唔俾錢係咩玩法？」、「旺角又玩大龍鳳， 頭先四點幾經過都見到，點止五六個呀」、「有個話補領緊樂悠卡， 查埋身份證過咗60歲，睇落擺明係阿伯嘅都畀人捉住」、「諗起尋晚東張報個單，閘機有問題，事主冇衝閘，但要被罰一千蚊」、「中間個男態度好差…」、「其實班查飛X都開左cam ，所以應該影返佢哋轉頭，最多鬥影」、「地鐵無講過唔俾人影相，大家行過路過記住影低佢哋個衰樣」、「其實點解佢地態度可以咁差」、「旺角小黃人查飛態度好差」、「可以點樣保障自己？ 睇cctv，有做嘟八達通動作。紀錄低邊一部閘機，要求查番過往維修紀錄。」、「冇嘢可以保障到，就算係唔小心跟咗前面嗰個入，佢哋捉到都會屈到你係有心逃票咁，根本就係任佢哋講」、「曾經聽過高人指點，當俾人圍攻嘅時候，揀一個最弱捉住佢」、「地鐵啲垃圾閘機，單獨拎張八達通擺喺上面都可以感應唔到」、「其實行慢啲就好難有事。」、「如果跑走會點…？」、「港鐵職員揸住雞毛當令箭」、「私人軍團咁的款，難為仲有人會以為地鐵唔係政府一部分，不只可以訂立附例，車站上蓋起樓做埋地産商，然後仲可以以「股東」利益為由申請加價，但大把人仲說服自己「地鐵公司」係岩的。」、「班pk職員捉香港人同老人家真係不遺餘力！」、「每次入閘都影住部閘機，起碼都有證有據係佢地啲機衰」、「閘機壞左又淨得一個查到」、「如果係準備出告票罰錢，兩三個招呼已經夠！」、「以前都會有個閘出錯，然後到出閘先知，出唔到要去補返張飛啦」、「查飛冇問題，但態度好少少咪大家好做d囉。」、「乜剩係查飛都咁多職員...」、「口罩係制服要求？咁啱6個都戴哂」。

港鐵查飛｜港鐵附例係點樣寫？

而根據第556B章《香港鐵路附例》（港鐵附例），每名港鐵人員，有權將他合理地懷疑已觸犯或正企圖觸犯本附例的人移離鐵路處所（如有需要可使用合理武力）；凡觸犯事項是本附例所訂的罪行，在不損害按照本附例施加的任何處罰或附加費原則下，該人員有權扣留該人，直至交由警務人員羈押以便依法處理為止。