有片 | 同僚無面俾! 九巴迫爆員工下車門上車司機拒開車網民熱議

網上FB群組最新流傳一則帖文並且附上一段手機視頻，帖文題為「今日搭九巴，巴士爆棚，兩條九巴佬喺落車門上車大聲同司機講自己人，九巴司機堅持唔開車，阿叔即刻用手機拍低仲要大聲X佢哋落車」。

視頻中可見一名女士以及2名表明身份的九巴男職員，在乘搭一輛迫爆的九巴時從落車門上車。除此之外，巴士的樓梯位也站企了其他乘客，巴士車長疑似拒絕開車，期間有男乘客以手機拍片並且呼喝該2名九巴職員下車，指責該2名九巴職員阻礙行車，並且指他們如不下車會把視頻上載到網上公審。

網上FB群組視頻截圖網上FB群組視頻截圖

事件引發網人熱議，九巴司機的行徑有人支持也有人批評。支持者指出「著制服就唔好破壞大家一直堅守嘅制度啦」、「就算職員/家屬都要拍卡,拍完咪俾你後門上,一係就轉車站有職員睇住就得」、「中門上冇規冇矩， 一陣有乘客有樣學樣側側膊唔畀錢就有排煩」、「只有站頭當值職員, 基於企位乘客唔願合作行入啲騰出空間, 才可以在人多繁忙時段臨時協調操作, 讓乘客在入口拍卡付費後, 臨時由落客門上車, 乘客自己不能如此(就算是巴士休班職員也不應如此」、「有原則 而家呢啲人越嚟越少」等。

另一方面，不少網民批評司機的做法，紛紛留言表示「巴士爆棚又點上到人呀，精神分裂啊」、「著晒制服自己人都咁玩，呢個車長唔想大」、「揸呢轉車之前，呢個司機應該遞咗信，如果唔係點會玩得咁盡。仲有，呢個司機應該係揸 Benz 返工的」、「人地自己公司有權處理自己員工，喺太平門上落都得，塘邊鶴鬼殺咁嘈做乜？司機只是以為有人搭霸皇車，睇唔到員工証件」、「(拍片者) 抽晒水,咪又係得把聲」等。

據了解，根據九巴的「乘客須知」指出，必須依指示排隊登車，應禮讓輪椅乘客優先上車，並須於指定閘門上落車。