年初二拜年搭港鐵慘被偷利是　港女：大家出門一定要小心！

新年不少人會外出去不同親戚家拜年，不開車的人也會乘坐公共交通工具外出。不過，外出要小心財物安全，皆因不法之徒隨處存在，近日一名女子在網上指，其父就在港鐵不慎被偷利是。

年初二拜年搭港鐵慘被偷利是

一名香港女子在網上社嶽平台發帖文，寫道，「真心好嬲！依家經濟真係差到咁樣咩？大年初二去拜年！我daddy搭地鐵嘅時候竟然俾人偷利是！新衫俾人𠝹開個大窿！仲要個利是係大利是，咁就冇左幾千蚊，以前香港點會發生咁嘅卑劣無恥嘅事，好人好物新年流流偷嘢，真係祝尼啲偷嘢嘅人去痾屎冇廁紙！大家出門一定要小心！保管好財物！唔好睇趣睇得太入迷！」

女子又附上一張貼片，可見她父親的衣服上，被人𠝹開了一個大洞，可見開口處位置頗大，甚至可塞入一包紙巾。

有人在網上發帖文，指年初二拜年搭港鐵慘被偷利是。

網民：財物真係要貼身！

不少網民安慰帖主，並叮囑各位市民要小心財物，財物亦要跟身，「保管好財物係每個人自己都要做好嘅嘢嚟。」、「當破財擋災，比佢偷哂d衰運，黎緊你地一家人就會行大運了」、「我每日搭地鐵都見到嘅景象」、「所以我永遠放重要財物係身體前方貼身袋好，絕對唔比賊人有機可乘」、「多謝你提醒，的確放喺前方嘅袋，地鐵太逼，我地大意冇發現」、「而家夜晚我都唔敢搭小巴，因為落車要行一段路先到屋企」、「我試過俾人開背囊拉鍊，俾我發現然後大聲小佢，雖然佢未偷到我嘢，但已足夠令周圍啲人望住佢」、「唔止地鐵，尖沙咀/旺角嗰啲條街勁多人嘅地方都愈嚟愈危險」、「上年年尾先係尖沙咀俾人拉開袋嘅拉鏈偷airpods」、「大家真係日日都要小心，我妹响街行都比人開背囊拉鍊，佢覺得後面有扯力，及時喝停佢，拉鍊巳開1/3」、「香港一向都有，只係唔係發生係你身上而唔知而已！」、「新年先特別多！知你個個都有利是係袋！」、「唔好以為老人唔會做賊，大部分捉到嘅盜竊賊都係中老年人」、「令人諗起以前80年代返大陸喺車上畀賊仔用刀鎅開褲袋偷荷包，而家香港都有」、「其實地鐵一直都係咁多小偷」、「而家經濟的確係好差，我做嘢嘅地方好多偷野偷銀包」、「小心財物，小心安全」、「財不可露眼。人多地方要格外小心」、「經濟唔好特別多罪案發生的，要小心」、「沒有傷到皮膚已經好彩，破財擋災略過一劫」。

同場加映：防騙4式

防騙4式防騙4式防騙4式防騙4式