網民狠批大埔連鎖火鍋酒家貨不對辦 打邊爐「肥牛」驚變「肥膏牛」

網上FB群組今天 (2月15日) 流傳一則阽文並且附上一張圖片，帖文題為「大埔XX嘅肥牛，想去食嘅考慮清楚先」。

圖片中可見4大片以紅膠盤裝著的火鍋「肥牛」，明顯較一般的「肥牛」更肥，脂肪比例明顯更高，而且肥瘦比例並不均勻，其中左邊更只得「肥膏牛」，未必能符合一般人對「肥牛」的滿意標準。
網上FB群組圖片

事件引起網民熱烈討論，不少人留言表示「Patpat黎」、「你問佢有冇鉸剪呀嘛，攞把鉸剪剪走少少肥膏佢」、「肥牛果然夠肥」、「動物脂肪點都好過人做牛油」、「情人節心形肥牛」等。

更有網民分享類似經歷，留言表示「以前試過，佢啲肥牛一落煲成煲即刻起晒泡，好恐怖」、「試過打邊爐叫碟肥牛仲肥過呢碟我投訴話太肥，個阿姐話你叫肥牛丫嘛！而家咪肥牛囉！」等。

香港消費者委員會指出，消費者若遇到不公平的交易，例如貨不對辦等，經與店方交涉不果，消費者便可向消費者委員會投訴，消委會將以調停人的身份處理消費者投訴，協助商戶及投訴人解決糾紛。