垃圾車掛滿「棄養公仔」充滿童真　司機暖心分享生活日常網民大呼感動

香港人生活不易，但偶而也會在生活中「找到一點甜」。近日街道上有一輛垃圾車引起關注，因該輛車上掛滿一隻隻「棄養公仔」，垃圾車司機更暖心分享其生活日常，令網民看後大呼感動。

垃圾車掛滿「棄養公仔」充滿童真

有網民在社交平台發帖文，指在街上發現到一輛可愛垃圾車，令其忍不住要拍下。只見該輛垃圾車上，有着各式毛公仔，整齊擺放於車身外位置，當中包括有米老鼠、傻豹、Peppa Pig等卡通人物，部分外表殘舊甚至略帶骯髒。

翻查資料，該車隸屬環宇清潔服務公司，而該輛車其實於去年已被網民拍下並放到網上瘋傳一輪，今次再被網友巧遇，並且更向帖主暖心分享生活日常。

網上圖片：

垃圾車掛滿「棄養公仔」充滿童真，司機暖心分享生活日常網民大呼感動。垃圾車掛滿「棄養公仔」充滿童真，司機暖心分享生活日常網民大呼感動。垃圾車掛滿「棄養公仔」充滿童真，司機暖心分享生活日常網民大呼感動。垃圾車掛滿「棄養公仔」充滿童真，司機暖心分享生活日常網民大呼感動。垃圾車掛滿「棄養公仔」充滿童真，司機暖心分享生活日常網民大呼感動。垃圾車掛滿「棄養公仔」充滿童真，司機暖心分享生活日常網民大呼感動。

司機暖心分享生活日常

帖主指，該名司機見到她拍照後，便主動向其分享，指所有公仔都是別人不，但最終被他「收留」。之後司機看過網友拍的照片後，問公仔看起來會否污糟。帖主指，司機車頭有數塊牌，其中一塊寫着「世界上最浪漫的人」。

帖主形容，司機介紹公仔的時候，雙眼充滿對生活的熱愛，流露着簡單的快樂，「我即刻諗到《新活日常》，阿叔就好似主角平山咁，雖然做緊社會上普遍人避之不及嘅工作，仍然悠然自樂。份工作對佢哋黎講唔係生活所逼，係一種選擇同生活。阿叔係枯燥嘅日常生活中找到浪漫，成件事太美好了！我要學習！」。

垃圾車掛滿「棄養公仔」充滿童真，司機暖心分享生活日常網民大呼感動。(網上截圖)

網民大呼感動指要感受生活

事件引起不少網民留言，「睇完幅圖再睇你嘅文字有啲眼濕濕，係咪正常㗎」、「我之前見過另一架都係咁，好浪漫」、「個漢堡神偷好靚」、「題外話好多謝處理垃圾嘅人，因為佢哋香港先咁乾淨」、「其實都好治癒，起碼係啲得意公仔舒緩到自己心靈」、「依家牙叔界係咪好興貨車掛公仔」、「之前都有人影過佢，真人版toy story3 好感動！」、「好有畫面，feel到大家都係善良有愛嘅心。」、「我都遇過，冇辦法唔影低」、「多謝你，令我見到一啲令人咁舒服嘅post」、「朝早返工見過一次！嗰日心情都好啲」、「係細節平凡中享受自我快樂真係世上最幸福浪漫既事」、「我都有見到」、「謝謝你的分享！」、「好感動呢」、「一份敬而遠之嘅工作，在苦中嘗到甜之餘又可以傳遞愛，真的唔簡單，祝司機先生，出入平安。身體健康。」、「我都有見過！好可愛好有愛」、「大叔的浪漫。」、「早幾日夜晚喺屋企樓下散步都見到呢架車泊咗喺路邊！」、「係敬業樂業嘅大叔」、「真係有少少眼濕濕」、「一齊去繼續大家嘅旅程」、「佢係"世界上最浪漫的打工人"」、「見到都覺得chill」、「好彩啲公仔遇到新一個主人有好好愛惜佢哋」、「其實快樂真係可以好簡單，好多野都係生活中嘅小確幸」。

同場加映：使用手推車安全秘笈

使用手推車安全秘笈使用手推車安全秘笈使用手推車安全秘笈使用手推車安全秘笈

帖主原文：

遇到一架好可愛嘅垃圾車，忍唔住影低。影完之後我走，司機突然追落車，叫住我。係一個大叔，指住我叫我俾佢睇下張相。我嚇襯，即刻淆曬底，以為未經司機同意就影佢架車冒犯到佢。但係一個將人地唔要嘅公仔執返黎一個個掛好係車上面嘅叔叔點會係壞人><

佢睇完張相，問我覺得佢哋望落污唔污糟。我話唔污糟啊！佢又好認真咁再睇咗幾眼張相，話：「咁就好啦！佢哋都係喺啲垃圾入面執返黎，可能啲妹妹仔見舊左就唔要。」

我見佢車頭黐住幾塊牌，其中一塊寫住：世界上最浪漫的人。就打趣佢：「果然係世界上最浪漫的人。」佢好似有啲怕醜，又為此自豪，笑住應我：「個牌執垃圾執返黎㗎。垃圾車，啲人見到都走啦！掛啲公仔上去，大家見到咪冇咁驚咯。我都唔係隻隻公仔都要㗎，嗰啲爛曬，勁污糟嘅我都係會dum。如果掛住嘅公仔太污糟，我都會換佢哋落黎。」介紹自己啲公仔嘅時候，佢隻眼入面真係閃住對生活嘅愛，成個人流露住簡單嘅快樂。

即刻諗到《新活日常》，阿叔就好似主角平山咁，雖然做緊社會上普遍人避之不及嘅工作，仍然悠然自樂。尼份工作對佢哋黎講唔係生活所逼，係一種選擇同生活。阿叔係枯燥嘅日常生活中找到浪漫，成件事太美好了！我要學習！

本身今日一起身勁唔想上堂勁唔想補習。一諗到而家仲讀緊書就已經咁樣，之後返唔鍾意嘅工咪仲衰。真係覺得我嘅人生已死。但係同阿叔吹完水，突然覺得其實未來都仲有好多選擇，放過自己，睇開啲。