荃灣公園外傭疑「虐待式」大力掌摑幼童香蕉塞口 臉留大片紅印途人喝止逃逸

網上多個FB群組最新瘋傳一則帖子並且附上一張圖片，帖文指「今天（1/3）下午14:40，荃灣公園，呢個姐姐一巴冚落個小朋友塊面，嚇襯我同我個工人姐姐，個小朋友想喊，姐姐即刻用香蕉塞住佢把口，我同姐姐已經即時出聲喝住佢，佢就急急腳帶住小朋友走左。希望她的僱主會看到，好好教育她！事發前我個姐姐仲同呢個工人姐姐傾計，問佢係咪都係菲律賓的，呢個姐姐話自己係Indo，完全估唔到佢會動手打人，影都影唔及(時)，當時我都帶住BB，所以做唔到啲咩，唯有影低提下僱主」。

圖片中可見一名中年外傭正在公園看管著一名年幼女童，該名女童的左邊臉懷疑剛被人大力掌摑，留有明顯的紅印，之後該名外傭以香蕉餵食該名年幼女童。

網上FB群組圖片網上FB群組圖片

網民對事件反應激烈，大量留言包括「又係佢！見過！鬧過佢！」、「有冇攪錯？我見小朋友的面都紅左。咁冇愛心湊就返鄉下啦，一巴星落黎，痴線的，我唔係佢媽媽都心痛! 祝呢個工人快d 比人炒，永不錄用！」、「塊面紅晒，呢啲XX真係要報警，唔好比佢再傷害小朋友」、「塊面紅哂有個掌印」、「成塊面紅晒，爸爸媽媽都未捨得打，你係工人你憑乜嘢啊？應該即刻報警」、「若果塊面真係紅印，真係無可能接受到，其實係打面都已經完全接受唔到，做父母既，無一個可以接受到，真係希望荃灣朋友可以幫忙傳到佢父母度，我哋真係要互相守望，自己小朋友自己保護」、「一定唔好放過佢，我唔係佢媽見到塊面紅嗮都心痛啦」、「響街都夠膽兜巴星，無人見到時仲得了？！」、「女童好慘，日日都要對著欺凌佢既人」、「工人在公衆地方也可以甘做，在家冇父母時候可以想像怎對小孩 ？？」、「係條街都咁樣，不敢想像小朋友平時係點」、「咁樣做一定唔係第一次，就算係第一次，一定會有再下一次！呢啲人唔用得，要報警拉佢，唔好禍害其他小朋友」、「小朋友着校服應該可以搵到邊間學校，直接同學校講 同埋都應該可以報警，太過分啦，會影響到小朋友心理」、「推上東張西望」等。

虐待或忽略所看管兒童或少年人

據了解，根據 《侵害人身罪條例》 第27條 ，任何超過16歲的人，如有責任管養、看管或照顧一名不足16歲的兒童或少年人，而此人如故意襲擊、虐待、忽略、拋棄或遺棄該兒童或少年人，或導致及促致該兒童或少年人受襲擊、虐待、忽略、拋棄或遺棄，令該兒童或少年人可能受到不必要的苦楚或健康損害，即屬犯罪。損害或喪失視力或聽覺、令肢體或身體器官損傷殘缺、或精神錯亂，都屬於「不必要的苦楚或健康損害」。

第27條 涵蓋故意進行某些行為及因忽略而沒有作出某些行為，例如沒有為兒童或少年人提供足夠的食物、衣物或住宿，或明知及故意不向負責提供這些生活所需的主管當局、社團或機構，為有需要的兒童或少年人領取資源。任何超過16歲的人如因任何理由而無法照顧不足16歲的兒童或少年人，就有責任向相關機構求助。一旦干犯 第27條 所列明的罪行，如經 公訴程序定罪 )，可被判監禁十年，如經 簡易程序定罪 )，則可被判監三年。 《侵害人身罪條例》 第27條 列出的行為，亦符合《兒童權利公約》第19條的規定。