車CAＭ直擊｜土瓜灣食材店員工咁「霸道」？　倒車「迫退」私家車　網民為片主不值

有司機日前駛經土瓜灣時，見有食材店員工以手推車在路邊人肉霸位，其時相距約3至4個車位外的貨van疑想上落貨，竟不斷倒車「迫退」私家車。片段引起網民熱議，認為食材店做法太「霸道」。

片主在facebook群組「車cam L（香港群組）」上傳車cam片，片中可見馬路左邊有2名男女以手推車霸佔可泊車位置，另一架貨VAN疑駛上男女位置想於泊位上落貨。

片主本來已退後想「抽頭」，但貨van亦後退緊貼，貨van司機隨後下車緊盯私家車。片主解釋無意泊車，但埋怨「你唔係咁樣褪後㗎嘛大哥」、「你真係大晒呀，大哥」。

貨van司機在馬路上來回盯住私家車說「我埋緊位呀」。片主無奈，只好自己倒車爬頭離去，不忿道「人肉霸位都已經夠衰，巴閉到你咁就真係少見，最慘我仲要唔係想泊佢個位，做生意都唔係大晒嘅」。

網民均替片主抱不平，認為他算有禮貌，「對答好斯文」，又鬧爆貨van司機，部份網民認為樓主不應讓步，更應作出投訴。