東張西望丨何詩蓓200米自由泳奪銅牌 連續兩屆游泳項目奪獎第一人

中國香港游泳奧運代表何詩蓓昨晚在女子200米自由泳個人賽，面對澳洲兩名猛將奧卡拉漢及迪姆斯夾擊，頭100米何詩蓓領放，可惜最後50米兩位澳洲選手後勁凌厲，奧卡拉漢以後來居上姿態奪金。

何詩蓓賽後受訪時講到：「我都知道呢場賽(事)係唔會容易，但係我嘅自己嘅強項就係easy speed，一開始可以好輕鬆咁游，所以我盡量一開始游快少少，以一個輕鬆嘅節奏游，個時間畀我想像中慢少少，但係攞咗個銅牌我都係好開心，同埋響泳池見到有好多香港旗，有好多香港人嚟咗呢度睇我比賽，同埋我屋企人都響度，雖然時間慢咗少少，我感受到大家嘅支持，令到我好開心囉，真係好多謝大家嘅支持，呢幾日我好少上social media，睇唔到大家係message，我都收到大家嘅愛同埋支持，希望大家繼續支持香港運動員，我哋好努力咁樣去大家表演為大家搏鬥，希望大家可以支持我哋！」

何詩蓓四歲開始練水，但其實一開始其實唔係好鍾意游水，因為覺得好悶，每次去泳池連水都會喊得好厲害。不過去美國練水後，發覺游泳並不是個人運動咁簡單。

2016年里約奧運，當時只有18歲，唔係好知道發生乜嘢事，當時見到好多運動明星，覺得自己唔係去比賽好似去睇明星咁。

何詩蓓知道自己過去嗰幾年嘅苦功，訓練有幾辛苦！所以對自己有信心，之後比賽希望一場一場嚟。