重溫「劍神」張家朗八年前稚氣上東張豪言「冇嘢係冇可能」打劍擊同卡通片有關？！

香港「劍神」張家朗以15：14擊敗意大利劍手馬奇（Filippo Macchi），成功衛冕男子花劍個人賽金牌。其實早在八年前的《東張西望》節目，當時年僅19歲、一臉稚氣的他已經盡顯未來一再奪金的自信，當時他說：「以前冇諗過參加到奧運，到參加到奧運嘅時候，就覺得冇嘢係冇可能！」

家朗說：「冇嘢係冇可能！」

家朗覺得劍擊具備其他運動所沒有的魔力，原來與卡通片有關，當年他接受訪問時，笑着說：「細個覺得帶住個面罩同人打好似嗰啲卡通片咁。」

家朗笑說劍擊與卡通片關係
不過，更好玩是多變化，他說：「喺比賽嘅時候好多變化，喺比賽其實係咁轉變戰術，有時候會呃下對方，打啲假嘅戰術，喺贏嘅時候其實會好開心，好有成功感。」

今次巴黎奧運「劍神」在父母的現場見證下奪金，他表示會將獎牌送給父親作生日禮物，亦沒有在父母面前「丟架」。原來張家朗出自運動世家，爸爸媽媽都是運動員，所以參與奧運對他來說，更加有另一種意義。

「爸爸媽媽之前都係運動員，可能佢哋自己冇能力參加到奧運會，咁可能我可以代表佢哋、代表香港參加奧運，可能算係同佢哋完成咗一個夢想，喺世界上咁多勁嘅選手，我可以係其中一個參加到奧運，其實已經好開心了！」張家朗當年受訪說。