/public/article/images/202408/81e010b2-eacc-4ea2-be43-8c4dfbf182f5.jpg)
香港「女飛魚」何詩蓓在上屆奧運奪得兩面銀牌，她在巴黎奧運女子200米自由泳、女子100米自由泳決賽兩奪銅牌，今日游出自己今年最快的時間，不少觀眾都戥她不值認為池淺影響表現，否則有望奪金，但她不想歸咎，強調比賽過後成績不再重要，只想與大家分享這個開心的時刻，言談間訪問間盡顯運動員心理質素！
東京奧運何詩蓓曾考慮退役
作為游水運動員，訓練非常艱辛，原來東京奧運之後其實何詩蓓考慮過退役，但堅持下去是因為對游水這項運動真的有熱情。「我其實東京奧運之後係有憑過究竟應不應該退役，定係應該繼續游呢？但係當我決定繼續游，繼續去巴黎奧運，我就係希望我自己可以好好享受成個訓練同埋比賽既經歷。」
「正如你所講游水其實真係唔係一個容易嘅運動啦，所以如果你日日都要做啲你不鍾意做嘅嘢，其實你係好難捱多三年㗎！所以我過去三年就係，我希望可以繼續快落去同埋真係好想日日都好開心、好享受我做緊嘅嘢。」何詩蓓說。
勉勵港人「你要搵到你自己嘅passion啊」
被問到訓練有何心得可以勉勵港人及運動員，小妮子說：「我嘅建議可能係，你要搵到你自己嘅passion（熱情），當你搵到你嘅passion，你日日做同一樣嘢，你不會覺得係辛苦，你不會覺得係你犧牲緊一啲嘢，其實你會覺得系上哇i'm so glad，i get to do this every day(我很開心我可以天天做這事情)」
「我就係希望我能做到自己最好，同埋可以享受我做緊嗆嘢，所以this is exactly where i need to be（這就是我需要的東西）」何詩蓓一直笑容滿面，大方得令「大師兄」方力申力讚。
大師兄方力申不斷給予鼓勵：「要讚你嘅地方就係呢個答案！實在太瀟灑太豁達喇！」
之前方力申說「我真係忍不住又要再讚多你一次，因為很多觀眾都會覺得戥你不抵啊，哎呀如果你游返自己最佳時間就係金牌㗎喇！但係可能大家都不知道，呢個池好多人都會講係比較淺水啲啦，會影響咗自己表現啦，你自己覺得係咪？」
不過何詩蓓雖然承認「池淺會令游泳手游在自己的浪裏」，影響發揮，但她不想歸咎，她大方說：「我不想blame it（歸咎）話個池既問題，其實而家呢個時間，個成績其實都不重要喇，因為都已經過咗去喇，我覺得最重要就係，我可以用呢個獎牌去和我屋企同在場喺度既觀眾share呢個咁開心嘅moment！」
「我啱啱見到我我屋企，我爸哋媽咪同我家姊喺度，我見到佢哋嘅emotional（很大情緒），我都令到我好emotional（很大情緒），所以我真係好開心！佢哋可以喺度睇住我比賽。」
