精彩重溫｜庭鋒即時傳譯獨家訪問早田希娜　鍾Sir呢句回應爆笑全場　網民讚TVB唔係亂揀人！

今屆無線奧運安排贏得輿論好評，人手安排和準備大家有目共睹！繼「大師兄」方力申窩心鼓勵游泳選手的訪問贏盡觀眾掌聲後，「奧運之星」之一的黃庭鋒在TVB獨家訪問日本選手後化身即時傳譯，令一眾網民驚嘆！

昨晚，日本乒乓球選手早田希娜在單人戰中擊敗南韓勁敵申裕斌贏得銅牌後，以日文接受TVB獨家訪問。主持庭鋒在訪問後即時傳譯，說：「其實佢一路有傷患，令到佢隻手好痛啊，一路痛到佢其實有好多個技術層面佢都做不到。去到四強佢知道咁既狀態其實係好難可以攞牌，所以佢攞到牌，佢覺得係好難能可貴！」

原來早田希娜還有談及醫生為她打止痛針，庭鋒繼續說：「打完支針之後佢就開始好像一個強心針咁！覺得今日係有狀態可以攞到呢面牌既！」

鍾志光之後幽默笑說：「你真係犀利啊佢講咁短，你可以講咁長。」廠內也傳出笑聲！

鍾Sir勁幽默！

事後庭鋒透露，回應鍾志光Comment。「鍾Sir事後用一個好幽默嘅方式讚我講得詳盡，好多謝佢，佢真係一個好好嘅前輩，教識咗我好多嘢，同埋佢嘅精力同專業度都好值得我哋敬佩同學習。」他又謙稱自己日文水平只是中規中矩，「大把人犀利過我」。

對於庭鋒的即時傳譯，網民大讚他翻譯準：「TVB今次真係唔係亂揀人」、「TVB又Win」、「庭鋒上次冬奧已經做得好好，日文同英文都相當流利，有做功課又唔會爭嘢講問廢話，希望可以多啲見到佢」