小三入宮風波｜吳爸爸認花弗但而家「破產仲搞緊離婚」！吳小姐竟是財務公司老闆！？

清官難審家庭事，但是家庭財產分配在法律框架下弄清楚，像《東張西望》報道中吳小姐的個案，最初是爸爸小三入宮逼走自己，挖下去原來是因為因母親遺產問題與父親反目成仇！

父女因媽媽遺產分配反目

《東張西望》昨晚找來吳爸爸回應，他自認對女人很有吸引力，他說：「成日都話因為我有一個女人…個女人想吞我哋錢啊，完全唔係㗎！呢個女人，我識佢都唔係短時間，十年八載，但係從來都冇搞過屋企問題㗎。但係太太死咗之後，梗係要搵個伴啦，大佬，係咪先？」吳爸爸表示，新女友是商場上的拍檔，對方做股票，幫他買賣。

吳爸爸不斷維護「小三」

他再強調自己的魅力：「一個男人做生意，一個女仔有好感嘅話，唔出奇㗎嘛！夜晚都係返自己屋企，我都冇同佢一齊住。仰慕我做生意都唔定，我有好多女朋友㗎嘛！」

吳爸爸指自己做生意有人仰慕不足為奇

主持林映輝問吳爸爸，太太生前知不知道他新女友的存在，吳爸爸大聲「吓？」了一聲，頓一頓回應指太太知道自己花弗，但應該不知有「小三」，他說：「我唔知老婆知唔知，應該唔知嘅，佢知道我好多女人嘅啫，做生意都有女人㗎啦，我有去夜總會去花弗都有㗎嘛。」

吳爸爸強調婚外情沒影響家庭，但不知太太知不知道小三存在

吳爸爸爆料，吳小姐其實是反對他與新女友再婚，吳爸爸說：「到後尾我同佢結婚，就係因為我老婆過身，咁我個女咪反對囉。咁反對咪，好多時係夫妻兩個人嘅嘢，仔女根本唔清楚嗰啲嘢，佢要加鹽加醋，我都唔知點樣搞呀。因為佢唔係我老婆嚟，係我個女嚟㗎。」

吳先生更透過節目跟女兒說，自己現在已經又離婚又破產：「而家你老竇呢，搞緊離婚手續㗎啦，因為佢唔鍾意，但係我都冇錢，個女人我叫佢走添呀，唔好跟我啦。問題嚟講，我個女肯唔肯相信。」

吳爸爸公司辦公室似乎多月沒人工作

至於600萬的爭拗，吳先生表示強調那是投資而不是借款，更爆出吳小姐是財務公司老闆：「係幫佢用嚟投資，呢間財務公司係佢做老闆，就攞返嗰10%，通過我呢度一齊夾咗5,000幾萬落去，佢扔咗500萬落去，一次過就畀息口我，我就計返畀佢，其實全部都係公司㗎。」

吳先生再次重申：「我點會問佢（女兒）借錢？」

林映輝問及財務公司老闆身份吳小姐質疑爸爸扮破產呃政府

不過當網民知道吳小姐原來經營財務公司之後，風向大轉，實在難以分辨當中的是非。