東張西望跟進｜《東張》扮客人向「屈錢通渠佬」問價 專家直指收費唔合理 網民點睇？

東張昨晚報道，觀眾Winnie早前因為鋅盤淤塞，於網上尋找通渠師傅，怎料被對方鋸了$9500，並將經過講述。

其中，Winnie指出，該兩名師傅「牛高馬大」，其中一人更加長得像林過雲，為了息事寧人，無奈付款了結事件。

《東張》主持王汛文假扮顧客，致電涉事通渠師傅問價，雖然對方口口聲聲指出「幫你（客人）慳錢」，但言談間亦有透露基於情況收費可能高達過萬元，至於是什麼情況，當然是師傅話事啦！

裝修學院院長鄧世民亦直指價格極為不合理，尤其他指出一般的半日工價錢只為$800，即使是外牆淤塞，即使要搭棚亦只需$3000至$5000，認為Winnie遇着的是騙子。

鄧指，若果師傅是騙人的，多數不會搭棚架，只會以一條安全繩做一場「馬騮戲」，爬出外牆「搞呢搞路」就袋袋平安。

不少網民表示，於網上遇着不少騙人的裝修或通渠師傅，直指「下次點急都要搵實體舖，起碼有得商量同追究」、「其實網上通渠平台，有好多這類奸商」、「呢行不嬲都係小事化大，換少少嘢，最尾幫你全屋裝修」…