專業分析｜兆尊撐何伯「呢個年紀搵個伴好應該」　但「會睇下好唔好食先」

《東張西望》何伯同新何太的愛情成為全城熱話，連擁三女友的鄧兆尊都有留意，他在「田豪祖3寶」YouTube Channel直播期間，談到對何伯事件的看法，他力撐何伯有自主決定權去用自己的450萬積蓄。

鄧兆尊跟三名女友都有一齊收看，他深明男人處世之道說：「何伯講呢番說話好明顯綵排好耐，經過佢太太訓導同綵排好耐先講，如果唔係冇理由咁清晰而又唔駁嘴嘅。」

兆尊笑說：「我懷疑何伯係抄我，佢買啲嘢咁似我買嗰啲嘢？龍鳳鈪我冇，冇佢咁叻，但鑽石耳環、戒指都有買過嘅。」

那三名女友點睇？

「三位都係一面倒覺得衰，就算第三個都係咁講，煲湯喎...我識好多內地人為咗攞身分證，結婚之後再離婚，之後再搵自己鍾意嘅嘢。（何伯）到咗呢個年紀搵個伴好應該，但只係睇錯咗啲啫！」

至於何伯應否給新何太100萬，打本給對方做生意？

兆尊說：「你自己搵番嚟嘅錢，就算去澳門一鋪過買100萬都得呀，自己搵呀嘛，使得快定使得慢都係自己決定，呢方面我撐何伯。（佢覺得真金換真心！）呢樣嘢就好難講，一個女仔咁樣衝埋嚟，居心可測啦，做咗咁多年人...（你呢？）我睇吓好唔好食，好食再嚟幫襯囉，而家剩番4000幾蚊，如果女仔咁愛佢，一日三餐佢包晒囉！」