佘詩曼49歲生日擁「佘媽」合照 不忘集氣：見到你招牌笑容冧晒祝佘媽媽身體健康

佘詩曼日前適逢49歲生日大日子，全球各地粉絲和藝人好友齊聲為她慶生！日前，阿佘則分享她與最愛的「佘媽」合照，生日都不忘集氣，希望媽媽身體健康，非常孝順！

阿佘向來與「佘媽」相依為命，母女感情非常要好，日前趁着生日，阿佘有感而發寫上：「每年嘅生日都提醒我要感謝爹哋媽咪帶我嚟呢個世界體驗同學習。今年踏入第49年喇，好似做咗好多嘢，但係又好似有好多嘢重未做，要學嘅嘢仲有好多好多，其中一個大課題就係生老病死。喺媽咪唔舒服嘅呢一年半，我好似又大個女咗，變得更堅強。健康當然重要，但係開心始終係第一位，淨係日日都見到媽咪呢個招牌笑容都冧晒啦～我今年嘅生日願望係：『希望大家一齊集氣，祝佘媽媽身體健康啦！』」

相片中所見，佘媽依舊戴住頭巾，但精神相當不錯，兩母女甜笑，好溫馨。據指，佘媽兩年前身體出現狀況，阿佘東奔西跑陪媽媽出入西醫診所，更四出尋遍中醫良方。

圖片來源：佘詩曼社交平台

佘媽媽要身體健康!