陳嘉寶大呻疑被的士司機嫌棄 另類反應：接咗你真係邪

近年的士服務屢受批評，的士業議會已於本月6日展開「的士禮貌活動」。不過，又是不是真的代表的士司機的「另類態度」有所改善？

三女之母的陳嘉寶（Anjaylia），近年努力兼顧家庭與事業。日前，Anjaylia就在社交平台，大呻被的士司機嫌棄經歷？
Anjaylia分享指，自己近日於街上截的士，上車後的士司機疑似不滿：「上咗車，講咗去邊。架車開咗無耐司機就同我講嘢，咁啱要覆msg聽唔到，只係隱隱弱弱聽到佢講：『唉，你…』」Anjaylia續指，當她覆完訊息後，司機又再講：「啱啱接咗你上車，如果唔係我就接到支去機場嘅旗啦，爭嗰少少，接咗你，真係邪。」

Anjaylia聽到對方的「另類反應」，可謂相當無奈，她唯有扮聽唔到！不過，當Anjaylia落車時，司機找完錢又再吟吟沉沉。於是，Anjaylia繼續狂呻：「到底係佢嘅喃喃自語太大聲？定係佢真係想同我講？如果佢真係想同我講，我畀咩反應好呢？P.S.佢係唔識我嘅。」

不少網民都安慰Anjaylia，繼而批評的士司機，並分享類似遭遇：「佢哋好似要個客遷就佢，去佢想去嘅地方先滿意咁」、「我都試過，作為消費者，搭的士仲要畀人鬧」、「自己都遇過咁既情況，五分鐘車程不斷吟沉揾好少錢」。

有時「貼錢買難受」，確實又是慘情的！