「拜金人妻團」遊西班牙曬完三點式靚相即出事？陳詩欣蔡嘉欣集體食物中毒入院

「拜金人妻團」蔡嘉欣與陳詩欣等人妻及好友，一行人齊齊開心到西班牙旅行，連日來日日三點式放題盡騷靚相！不過，原來人妻團於其中幾日「出事了」！

首先是陳詩欣更新社交平台，寫上：「唔知各位有冇留意到我哋全員消失咗兩天，嚇到好多人以為我哋發生咩事，其實我哋在Seville食物中毒 (我哋估係海鮮），尤其Kayan較為嚴重。」其後，蔡嘉欣亦在社交平台浮面，交代最新身體狀況：「被耽誤的旅程，又屙又嘔！屙咗十幾次，終於忍唔住去醫院打針，本來昨日是去跳傘，結果在BNB昏迷了一日（同場加映落雨也不能跳，希望明天給力)。）

不過幸好，人妻團休息了幾日，看似「復活」了，泳衣和靚相放題繼續有，嘉欣緊接甫上跳崖影片：「Mallorca Crystal Clear果凍海，真的絕美，游了幾圈泳，跳了個崖，拍了幾圈航拍，真想在這個海洋待更久！」不過原來嘉欣當日仍有不適，更說：「雖然仲是無胃口，但頂硬上！希望我不要再肚屙吧！」

圖片來源：蔡嘉欣IG

拜金人妻團連日來密密曬靚相放題嘉欣快啲好返!一臉倦容慘慘豬了