姚嘉妮林祖輝離婚｜傳婚禮當日新娘子狂咀陳山聰 本尊解畫：我當嘉嘉係阿妹！

姚嘉妮與林祖輝驚爆離婚，但二人重申再見亦是朋友。二人的離婚消息，令當年一宗傳聞翻熱起來，就是有傳嘉嘉舉行婚禮當日完成註冊手續後，竟當着前夫林祖輝面前，突然熊抱擔任兄弟團的陳山聰狂咀，在場的新郎哥亦一度尷尬黑面。

對於種種傳言，山聰最近接受其他傳媒訪問時解釋：「其實我當嘉嘉係阿妹咁，而且我都係啱啱先知佢哋婚變，當知道呢個消息，我都覺得好突然，點解會咁？因為當年佢結婚嘅時候，我都係做兄弟，亦明白家家有本難唸的經，而且每個家庭都有自己背負嘅嘢，咁所以都應該尊重佢哋嘅決定，希望佢哋生活愉快。明白呢段時間佢哋都會有好多事要處理，咁所以我都唔打擾佢住，暫時畀啲空間佢哋，遲啲我諗會約埋陳敏之，同佢一齊食個飯傾吓偈。」

山聰對於與嘉嘉在當日婚禮狂咀一事，山聰斬釘截鐵否認：「邊有呀，梗係唔係啦！梗係冇咁嘅事啦，我記得當時喺黃金海岸註冊，我同祖輝佢哋咁熟，你哋都會諗到祖輝喺隔離，仲啱啱結婚，佢點會熊抱我然後錫我呀。我哋絕對唔會，因為我哋係好好嘅朋友。」