連詩雅「震住」誕5.9磅小公主升呢靚媽 陳家樂親剪臍帶感動爆喊

連詩雅（Shiga）與老公陳家樂的小公主Camila今日出世喇！母女平安，小公主Camila重5.9磅，初為人父的家樂剪完臍帶既興奮又感動，更加抱著Camila爆喊！
 
寵妻號的家樂，連日向公司請假，要陪着太太入產房、親手剪臍帶，見證小公主誕生。看到囡囡眼仔碌碌，腳撐撐，心情更是久久不能平復，他接受訪問語帶激動說：「BB啱啱出咗世，好開心！出嚟已經非常之活潑，喺度到郁手郁腳，佢哋話隻眼似媽媽，個鼻同口似我，但我唔係好分到，宜家仲有啲緊張有啲頭痛，頭先都幫BB剪咗臍帶，個經歷係好特別，好煙韌…我唔識講。」
 
初為人母的Shiga同樣緊張，未正式推入產房時，上身已經緊張到不停震，最後需要打了很少量鎮靜劑平復心情，Shiga說：「之前真係好緊張，上身不自主在震，但到生嘅時候又發現冇想像中痛，囡囡又好乖好快就出嚟，見到囡囡出世一刻，好興奮、好感動，咩痛都唔記得晒！更神奇係囡囡喊嘅時候，只要抱佢係自己身邊，佢自自然唔再喊！」

剛生產完的Shiga受訪表示，感覺是有點疲累，但為了囡囡健康，已嘗試餵人奶，在看到囡囡嘴郁郁手撐撐，所有痛、辛苦都變得值得，完全感受到母愛偉大！