一代「女俠」鄭佩佩去世享年78歲。鄭佩佩年輕時在邵氏是當家花旦,亦有不少追求者,1966年與岳華拍《大醉俠》時,二人的戀情成為當時報章的頭版報道,而在2009年鄭佩佩、岳華、陳鴻烈三人曾經以嘉賓身份一同上吳君如、錢嘉樂節目《星星同學會》,除了大談當年邵氏電影的盛勢,鄭佩佩更在節目公開她與岳華的戀情,以及大爆曾被陳鴻烈追求。
當主持人錢嘉樂問鄭佩佩是否陳鴻烈先追求,佩佩姐大方回答「係」,陳鴻烈交待當年追鄭佩佩的情況,表示當年鄭佩佩是自己哥哥的同學,所以大家比較談得來,由於關係密切所以向鄭佩佩展開追求,但因為難追所以最後沒追到;但即時被鄭佩佩截停:「唔係,你聽過一個故仔,每個人都有自己嘅版本,而我嘅版本呢......就係,有日我去佢(陳鴻烈)屋企,佢阿哥話我聽,話佢呢同時又追緊另一個女仔,咁我就話算喇,點証明呢件事呢?當時我哋拍《大醉俠》嗰陣,我哋兩個對打,我就整親佢(陳鴻烈),之後佢話我公報私仇......」
不過烈哥原來突然唔追鄭佩佩是有「苦衷」:「因為當時有另一個女仔,同我講有個第四期的南國男同學追佢,咁佢就好驚,成日有男仔『釘』住佢,咁佢叫我送佢返屋企,咁送下,送下就......係咁囉」
之後岳華亦大方回應曾與鄭佩佩拍拖五年的戀情「因為我同鄭佩佩成日練跳舞,當時拍《艷陽天》呀⋯⋯仲有好多,《香江花月夜》大家一齊跳舞,當然就多接觸啦......」
陳鴻烈之後亦講到拍拖趣事:「我同佢拍拖嗰陣時,佢嗰陣時屋企住慈雲山,單獨一棟樓,下面正在整路,我同佢拍拖嗰陣時,你知行路攰呢就......講攰就假嘅,係想坐喺度唔好咁快返屋企,整路地下有個下水道嘅鐵蓋,我同佢兩個人坐一陣,坐喺度傾偈,梗係卿卿我我啦,等我返到屋企之後,我媽媽就話『奇怪喇,你條褲...你去咗邊度?點解屁股後面全部係瀝青』你睇我連呢啲都唔知道,坐到一屁股瀝青都唔知,你話嗰陣失魂到咁樣,唔係喎我唔知喎,真係唔知喎,呢啲就係愛呀嘛!」
![東張+ | myTV SUPER 24小時即時新聞 本地、國際時事熱話 東張+ | myTV SUPER 24小時即時新聞 本地、國際時事熱話](/tc/scoopplus/img/logo.png)
登入後即可查看我的收藏
登入後即可查看瀏覽記錄
![myTV SUPER myTV SUPER](/tc/scoopplus/img/img__header_superlogo.png)
![myTV SUPER myTV SUPER](/tc/scoopplus/img/icon__header_gosuper.png)