《東張》女神容羨媛親揭患婦科病！子宮「生咗好多粒粒」嚇親

《東張》女神容羨媛近日在社交平台透露，她早前曾因婦科病入院做手術，情況嚴重，子宮裡面更「生咗好多粒粒」？即時嚇親不少圈中好友及網民。

容羨媛在社交平台親揭患婦科病，並曾入院治療：「早幾個月前做婦科檢查，發現自己子宮裏面生咗好多粒粒，婦科醫生即刻建議做宮腔鏡檢查，進行宮腔鏡息肉切除，今次專登拍條YouTube片分享返我由發現，做手術，同後續嘅過程，最緊要係提醒各位姊妹們，要注意自己嘅身體，一定一定一定要做婦科檢查！！#子宮肌瘤 #子宮息肉 #婦科手術」。

在影片中，容羨媛表示仔女出世後一直有月經問題，每次都會大量出血，更曾試過「漏M」情況，令她非常尷尬：「醫生話因為你生咗兩個小朋友，子宮內膜血管會唔同，所以會有多血情況」。其後，容羨媛又出現血塊問題：「好似鼻涕、鼻血咁，就就會一Pat嘢咁，我都可能會屙出一嚿血塊」。

由於婦科病問題長年未有真正解決，容羨媛之後再做檢查照超聲波，竟發現子宮內膜有好多粒粒，當中見到有三粒息肉，並好快進行一個全身麻醉的「清除小手術」。容羨媛坦言得知有十多粒息肉一度嚇親，經過化驗後，幸好其子宮內的息肉是良性，手術後已全部清除。