巴黎奧運丨哥哥梅姐慈善劍擊肉搏片翻hit 張達明竟神預言港隊有金牌劍手？

全城撐香港隊！今屆巴黎奧運，特別令香港人鼓舞。除了張家朗世一，為香港再添一金以外，先是「微笑劍后」江旻憓在巴黎奧運日前成功奪金。當日，江旻憓的逆境正能量，已經成為城中佳話！有網民更翻出一段舊片，原來早於24年前，兩位樂壇巨星梅艷芳與張國榮，為《護苗基金星輝夜》籌款時的劍擊表演影片，也連翻hit！

有梅姐的粉絲，日前在社交平台出PO寫上：「橫掂要等江旻憓決賽，不如睇梅姐同哥哥劍擊，知唔知佢兩個格過劍，如果喺香港嘅你真係唔瞓等決賽，而見到呢個post嘅話，我向你致敬！」，影片中所見，片段是2000年TVB製作的籌款晚會《護苗基金星輝夜》，當梅艷芳與張國榮出場時，兩人已戴上頭盔，身穿整套西洋劍擊服。

比賽開始時，兩人格劍更打到埋身肉搏，最好笑的是，之後哥哥索性孭起梅艷芳，最後要評判張達明嗌停，「打落去傷感情，見到你哋打落去相當辛苦！」張達明更神預言說：「你哋咁樣打，唔係好勁，不如我哋真係請香港金牌得主劍手出嚟！」

帖文勾起網民不少回憶，留言大讚劍擊片翻Hit合時：「今晚出呢條啱晒數」、「片尾最後張達明果句係：『不如我哋請真係香港金牌得主嘅劍手出嚟呢』，就係你喇江旻憓！！！我等你」。