前《東張》主持容羨媛老爺突離世 發文悼念提醒「人生無常及時行樂」

前《東張》主持容羨媛於今個月2日為節目進行最後一次錄影，隨後便離開《東張》大家庭。她今日在社交媒體發悼念文章，透露家翁於兩星期前在家中暈倒，送院搶救無效不治。

容羨媛悼念文透露，於兩星期前，老爺在家中突然暈倒，送院後搶救無效，她指，「人生無常及時行樂，我老爺做到了，因為喺佢走之前一刻，佢依然做緊佢最想做嘅事，準備返工，送藥俾有需要嘅病人，食佢最鍾意食嘅嘢，只不過對於我哋嚟講實在係太突然！大家都話呢啲係福氣，因為佢臨走前冇痛苦，而我見到嘅佢，亦都真係好似只係瞓咗覺，好安詳！」她又指，「明天老爺出殯了，希望可以好好送佢一程，老爺你要喺天上繼續馬照跑，我哋亦會好好生活，珍惜當下！ RIP 老爺」。