我要瞓鬥｜金句連環爆 黃瀅仴智力擔當破解三大IQ題 靠《柯南》漫畫學解謎

J2推出15集自家製旗艦綜藝節目《我要瞓鬥》，14組「瞓鬥師」要留在錄影廠內60小時馬拉松式玩遊戲，為10萬元獎金獎品作困獸鬥。

經過一周比賽只剩餘10組「瞓鬥師」。他們要留在錄影廠內繼續馬拉松式玩遊戲，為10萬元獎金獎品作困獸鬥。昨日（2日）一集延續上周集體「搵鐘」任務，藝人同素人群體合作打破隔膜，亦毫無保留使出真功夫。論到表現最突出，要數到樣子甜美的瀅仴同拍檔劉倬昕（Samlau）。瀅仴連環破解三大IQ題，成為智力擔當。連主持陳葦璇宣布解題成功一刻，都露出驚嘆表情。拍檔Samlau在數獨解題上，亦有出色表現。

瀅仴接受訪問時笑言可能跟看得多推理劇集同漫畫有關，她興奮的話︰「好鍾意睇偵探電影、劇集同漫畫。Benedict套《新福爾摩斯》睇晒4季，每季都loop足兩次，咁Benedict又真係好charm嘅。」瀅仴又話《名偵探柯南》推理漫畫助力都不少。瀅仴自言星座為處女座，對細節警覺性較高︰「特別鍾意睇懸疑、要花腦力去估、去諗嘅戲。」而瀅仴一組則視Nicole同Amber為勁敵。

今趟Nicole不單展現腦力擔當，她跟6號化身金句王。當有「瞓鬥師」齋講不做時，6號即爆金句揶揄話「有講無做，動作指導」。Nicole用金句鼓勵自己話：「呢個世界無解唔好嘅嘢，只有解唔開嘅自己。」哲學味濃。

經過多場遊戲任務，除表現出色的瀅仴同Nicole之外，奶仔同文叔最具黑馬本色。奶仔以體力取勝，文叔表現「慢活」冷靜，在危急關頭曾發揮起死回生作用。在今趟「搵鐘」最後階段，他冷靜作出指示成功逆轉勝。