吳浩康搵兩餐好敬業 做「星級嘉賓」帶團遊泰國潮遊陪玩？　

吳浩康（Deep）自從離開英皇娛樂後，一直連打幾分工賺錢養家，就連地盤工都做埋，真係好敬業。肩負起一家之主責任的Deep，最近又有新搞作，原來他即席化身「星級嘉賓」帶團遊泰國，親力親為娛樂大家！

Deep日前（31日）在社交平台分享一張宣傳海報，海報印有「吳浩康唱遊泰國真『Deep』潮玩五天團」，並將於今年4月26日出發；該旅行社的網上平台寫道，指Deep對泰國情有獨鍾，他更會化身星級嘉賓帶團，帶團友遊遍曼谷必玩好去處！旅程期間，Deep會跟團友同樂，除了在車上jam歌，又會玩泰式busking及farewell唱K派對等活動，娛樂節目十分豐富。

據指，泰國潮玩五天團的團費約5,888起，可以獲得Deep全程貼身陪玩，相信會吸引不少粉絲參加，CP值甚高！Deep接受其他傳媒訪問時，表現興奮指出：「今次係我第一次做呢類型合作，自己都好期待，我都係其中一個嘉賓團友同大家一齊玩，希望大家到時玩得開心，同埋去到當地會有專業領隊同導遊帶大家。」

網民關心Deep的地盤工作需暫停？他叫大家放心：「我自己一早調動咗啲時間，安排咗自己嗰幾日唔返工，所以又唔算係請假，夾好啲時間囉！」

圖片來源：吳浩康IG

吳浩康做「星級嘉賓」帶團遊泰國潮遊陪玩