美棋BB曬過大禮相派場十足 金器全部大大件指定要收鳳冠！

待嫁新娘黃美棋，早前宣布獲男友鍾健威（Ray）求婚，近日，美棋BB在社交平台甫出過大禮儀式的相片，二人婚事看來已經進入大直路，恭喜恭喜。

相片中所見，美棋BB過大禮的份量十足，擺滿晒鏡頭畫面，金器全部大大件不在話下，當中多對龍鳳鈪似足流星錘咁大！美棋BB開心寫上：「好感恩過大禮終於完成🫶🏻 Yeah !!!睇住呢一切傳統儀式嘅發生，真係感動到有啲眼濕濕～多謝大家為我地嘅過大禮咁悉心安排🙇🏻‍♀️多謝你哋每個人都好錫我🥰 多謝各位猛男兄弟🙏🏻最緊要多謝鍾生同佢屋企人對我嘅愛護🫶🏻所有嘅安排、每樣都係我喜歡的…我爸爸媽媽亦都好滿意你嘅誠意之作✨」

美棋BB續稱：「由細到大我都係度諗，如果將來有一日我出嫁，除咗有龍鳳鈪、金鏈等等，我希望係帶住一個鳳冠👸🏻金豬仔就梗係唔少得啦，仲訂製埋我哋個名㗎😊😊再次感謝大家嘅愛戴❤️我們準備迎接新的開始，幸運是我們👰🏻‍♀️🤵🏻」

圖片來源：黃美棋IG

美棋BB曬過大禮相派場十足 金器全部大大件 美棋BB曬過大禮相派場十足 金器全部大大件 美棋BB曬過大禮相派場十足 金器全部大大件 美棋BB曬過大禮相派場十足 金器全部大大件