有片｜港女公審寵物主人用自助洗衣機洗寵物用品 網民反應兩極

近日，有網民在Facebook群組發文，公審寵物主人毫無公德心，在大埔自助洗衣機洗寵物用品！

樓主狠批，「呢d冇公德心既人係要公開下先得，你對你自己嘅寵物嘅用品，係屋企點樣處理係你嘅事，拎出去出邊洗就要做返有個公德心嘅人！」再表示自助洗衣舖外已張貼不可以清洗寵物用品、汽車用品、髮廊物品等，不能視若無睹，更強調，「中英對照都唔識睇唔通打個火星文出嚟識睇啲㗎？」質問寵物主人，「既然你咁愛你自己嘅寵物點解唔可以同你啲寵物用品一齊洗？點解要拎出去出邊洗呀？咁有錢養寵物點解唔買多部洗衣機擺喺自己屋企分開洗呢？」最後認為，「其實唔怪得啲人點解咁憎啲人養狗養寵物嘅人。」

從上載片段可見，被批評的寵物主人已經即時道歉，亦表示自己不清楚有這樣的規例，在清洗衣服後亦即時清理洗衣機。

不過網民反應兩極，一部份網民力撐樓主，因為寵物主人行為自私，「其實眼睛係睇到野架可？人地門口大大隻字睇住除非你唔識字，法律義務教育冇乜點教架，但點解依然有大部分人都知點樣係會觸犯法例，咪就係自律囉，你屋企部洗衣機夠乜規矩都冇貼，咁係因為冇貼踩左屎又會張隻鞋掉落去又掉埋底衫褲落去一齊搞，唔會架麻，因為你知道會影響到自己，咁影響到自己就知，影響到人地就唔會知」、「仲要洗完部機一陣味，我早兩日攞床單落去焗，焗完仲變左一陣狗除」、「勁自私，抵x！」、「你做得好」、「支持你，成班顛倒是非」、「個女人話，見人哋咁洗所以佢都咁洗， 一定唔係初犯，有養開寵物一定知，寵物用品要分開洗， 你咁樣洗完部洗衣機要搵人拆開清潔，咁嘅仆乖行為.. 仲有班弱智出嚟撐」、「最慘係d衫返到屋企先聞到有狗味，多得佢唔少。」

不過亦有人認為樓主小題大做，「其實每間都有咁既人，又無人負責人睇場，都係靠自己自律，但問題，而家大部份香港人都唔係自律，全香港十八區一定有一啲咁既人，提左佢鬧完發洩完咪算囉，放哂上網做乜，將心比己，你自己做錯野，比人拍片放哂上網係公審，你有乜感覺，係咪要網絡欺凌先開心及滿意丫？」、「個女人係有錯嘅， 不過佢都道咗歉， 同埋清理個洗衣機， 可能佢真係冇睇到呢， 係咪需要去到咁盡呢， 有時啲人去洗開工衫可能仲污糟， 呢個問題幾值得思考，你嘅態度 畀著我我大不了即刻放低五舊水洗埋佢， 你啲衫都應該有貓毛唔知算唔算寵物野？」、「樓主呢d 睇人烚啫」、「有問題咩，我冇寵物都唔介意喎」、「人哋都道左歉，做人唔洗去到咁盡既⋯唔好學埋某國既學批鬥文化」、「可能人地真係冇睇到，其實都道左歉，有必要係咁咬住人放上網公審咩.」、「睇黎樓主好x憎寵物wo 咁x驚就買洗衣機 慢慢自己屋企洗啦 無位就番去用手洗啦 係咁嘈嘈嘈 聽到你把聲就憎 人地道歉仲要咄咄逼人」、「佢都好有禮貌話會清潔番。係咁罵佢就唔係幾好。無咩必要放上網。（如果佢態度差就唔同講法。」

亦有網民表示自私行為屢見不鮮，「貓毛有乜好驚，人類瀨屎瀨屎果d衫咪仲核突」、「有次見到有人洗有便便嘅大人底底，十幾條，嘔心，以後吾敢再自助洗。」