觀塘觀眾拍下阿伯公廁門猥褻片段報東張　「東張+」記者認出老街坊仲有綽號！

有觀塘街坊提供片段，說區內公廁經常出現一位阿伯在公廁門附近作出猥褻行為，「東張+」記者看過片段後，認出對方是「老街坊」，相信他是慣犯，過去經常出入警署，但懷疑因為有智力問題，街坊都無可奈何。

有觀眾拍下阿伯在公廁公開地方作出猥褻行為的狀況報東張，形容「佢已經唔係第一次」。

阿伯在公廁門口位置有所動作

居於觀塘區的「東張+」記者認出對方是活躍該區長達幾十年的街坊，相信他就是有非禮案底、綽號「傻莊」的慣犯，由於他屬於輕度智障人士，90年代起經常「托住部大cassette機周街行」，早年在一間庇護工場工作，更曾被轉介到一間警署負責抹警車，但後來正正因為孌童斷正被捕，很多街坊都知道他的惡行。

據稱，由於「傻莊」輕度智障，加上經常有「除褲磨牆」猥褻行為，幾十年來都會惹來小朋友或青少年不滿，「有人恰佢、搵石頭掟佢，甚至有個阿嬸曾經搵滾水淥佢，但係佢都繼續咁嘅行為」，而且「跑得好快，有時幾個警察追佢都比走甩」，所以街坊都無可奈何。