尖東海旁地標聖誕樹平安夜10點就熄燈！觀眾唔忿氣報東張：好多人好失望啊！

東張西望祝大家聖誕快樂！聖誕節不少人到尖沙咀海旁感受節日氣氛，不過有觀眾報東張說，海旁地標聖誕樹竟然10點就熄燈，非常掃興，「我唔忿氣所以影低，好多人好失望呀」。

觀眾王先生接受 「東張+」記者訪問說，昨天平安夜與一家大小特地到尖沙咀感受節日氣氛，他說自己去年在日本過聖誕，今年特地留港消費，但非常失望。

「簡直是夜經濟大笑話！這個海旁地標商場的聖誕樹，平安夜10點就冇燈！」王先生說，當時海旁人頭湧湧，王先生提供的相片都可見，很多人圍着聖誕樹，雖然聖誕樹已經熄燈，但仍然有人舉機拍攝。

王先生提供相片

相片拍得比較朦，王先生也有解釋：「當時我真係好唔忿氣，所以影完就走咗，冇睇清楚原來好朦，真係冇諗過平安夜咁早就熄燈，仲要成個海旁其實當時好多人。好多人都好失望呀！」

王先生說，自己在平安夜是從海港城那邊經過星光大道走到這個商場，其實海旁已經沒太多聖誕氣氛，「黑漆漆咁，但係人好多，啲鐵欄搞到條路又窄咗，其實真係冇乜聖誕氣氛」。

商場聖誕樹亮燈時非常璀璨

王先生指出，其實海旁現在的大型聖誕燈飾已經不多，他發現當局有在部份地區的郵筒上花心思佈置聖誕裝飾，但認為應該集中資源去佈置一些旅遊景點。

其實記者昨晚九時許經過花墟也發現，花墟最近的聖誕燈飾，在平安夜應該早於九時就已經熄燈。

花墟燈飾在平安夜早於九時就熄燈（市建局圖片）