《麻雀鬥室三決一》節目精華

香港不少人愛打麻雀，但大家對麻雀的禁忌認識幾多？「竹館」內又有甚麼職位？節目話事人薛家燕與四大護法林盛斌、吳若希、戴祖儀、鄭衍峰，以及「筒男索女」魏柏豪、源菲然，讓觀眾更深入認識麻雀。

了解過後，當然要實戰！伍詠薇、黎諾懿、麥玲玲、張頴康等星級嘉賓，到來上演竹戰比拼，在四方城透過雀局與玩法新穎的麻雀遊戲，爭取有得留低，再戰民間高手以獲得籌碼，換取獎金及罐頭鮑魚。

主持們亦會與民同樂，大玩小遊戲派獎品。

即刻睇片👇：

神之馬壯紅底橫  大破三娘教子牌局

高海寧、湯洛雯、陳敏之同黎諾懿一齊大玩新奇刺激嘅麻雀遊戲，玩法集競技元素、board Game 、團隊合作於一身，真係少啲腦汁都搞唔掂! 四位嘉賓大玩原創麻雀遊戲「移魂大法」， 黎諾懿為咗破解「三娘教子」式牌局，竟然出埋秘密武器紅底橫？仲有人唔小心「見光死」慘輸一炮雙響？

神之馬壯到底可唔可以一個贏三個？

經過上集「三娘」決定咗直接參加「麻雀大富翁」，話明大富翁緊係要有運啦，敏之真係好勁呀，被罰盲打都難佢唔到，仲係咁抽中到好卡，「好兄弟」黎諾懿一直被佢點名受罰， 咁神之馬壯到底可唔可以一個贏三個？ 靚湯同高Ling贏左唔少，都唔可以睇小㗎！一邊傾計一邊輕鬆打透明牌嘅冠軍級麻雀高手又可唔可以阻止佢地拎獎金呢？

6號自稱係「么神」銀彈攻勢利誘朱敏瀚

今集張頴康、朱敏瀚、馮盈盈、陸浩明上嚟鬥牌技同運氣，6號一出場就自稱「么神」打算嚇窒其他對手，所以一心做十三么又真係幾好手氣，但係邊有咁順利吖，《移魂大法》搞到佢副牌落咗朱敏瀚手上，而朱仔仲想拆佢副牌，6號決定用錢收買朱仔，最後......

馮盈盈擘大眼同瞇埋眼打無分別？

馮盈盈係「真唔識」定係「扮唔識」？可唔可以贏到張頴康、朱敏瀚、陸浩明呢？阿康牌靚運氣好就領先，大家都話盈盈擘大眼同瞇埋眼打都無分別？「么神」6號仲出招針對佢，佢搞唔搞得掂呢？ 

邊個食盡天糊地糊截糊？

JW王灝兒、Eric Kwok 郭偉亮、吳業坤、同師兄劉浩龍一齊開枱！ 坤哥自稱有麻雀透視眼、Eric Kwok 話自己最鍾意發爛渣、JW就自覺有偏財運、師兄就話自己最叻鬆章，個個都咁叻，究竟邊個可以成為大贏家？邊個大顯神威，一次過食盡天糊、地糊，仲要截人糊？

坤哥化身盲俠打牌 仲叫人鍊佢下面？

JW王灝兒、Eric Kwok 郭偉亮、吳業坤、同師兄劉浩龍繼續大玩麻雀遊戲！ 坤哥玩麻雀大富翁時連環抽中打盲牌機會咭，要化身盲俠打盲牌！乜都睇唔到嘅佢竟然叫人鍊佢下面？其他三位嘉賓又可唔可以趁呢個機會搶錢、搶分、搶奬品呢？

伍姑娘大戰三大鮮肉 開心到跳起

伍詠薇、丁子朗、孔德賢、羅天宇幾位勇士一齊挑戰麻雀遊戲！見到咁多靚仔鮮肉伍姑娘開心到跳起，仲叫家燕姐跳埋一份？

大聲就有糊食？羅天宇同Bob 交換人生！

伍詠薇、丁子朗、羅天宇齊齊挑戰麻雀高手雷雄德-雷Sir ! 一向斯斯文文嘅羅天宇竟然大聲就有糊食？仲決定同阿Bob交換人生？究竟進化版嘅羅天宇會唔會成為今集嘅大贏家呢？

唏呀唏呀唏呀唏呀唏 家燕姐落場有新轉機！

《皆大歡喜》演員阮兆祥、車婉婉、陳彥行同鄧兆尊上嚟同家燕姐敍下舊，一齊打馬吊！有邊個咁犀利可以請家燕姐落場一齊玩？身為麻雀鬥室話事人嘅家燕姐，除咗好摸手之外，竟然仲有超級無敵必殺技「時光倒流」？

又有特別嘉賓現身麻雀鬥室三決一? 

阮兆祥、車婉婉、陳彥行同鄧兆尊一齊挑戰麻雀遊戲！祥師兄咒個個輸麻雀？邊個激嬲成枱前輩？邊個令到行姐要烏低身摸牌？又有特別現身麻雀三決一？

玲玲師傅：贏咗免費幫大家睇流年運程？！

麥玲玲、陳定幫、陳煒、區永權開枱一集定勝負！玲玲師傅話如果贏咗會免費幫大家睇流年運程啊，師傅你一定要贏呀！煒哥除咗人靚運氣都一樣咁好，牌都靚過人。區永權好大膽要求師傅開牌打兩回合，師傅即時贈佢兩句，咁玲玲師傅到底可唔可以贏呢？ 

Bob食終極大牌！搞到全場O哂咀？

四大護法落場決一勝負！每位護法仲叫埋親戚朋友組成「東Bob隊」、「南Joe隊」、「西Jin隊」、「北峰隊」一齊上嚟搶鮑魚同奬金！今集真係人人有天糊食？賭神Bob氣勢如虹食出終極大牌，搞到人人O哂咀，家燕姐仲要大派鮑魚？

👀 👉 撳link即睇：《麻雀鬥室三決一》完整版