由鄭則士、冼靖峰、蕭正楠、樊亦敏主演嘅TVB劇集《神耆小子》劇情撞正近日《東張西望》報道嘅何生、何太「忘年戀」。劇情包括有紅顏知己洪玫瑰(樊亦敏飾)同親生仔女「爭產風波」,再加上玫瑰對錢大海(鄭則士飾)照顧周到,煲湯、煲粥、整糖水、焗蛋糕全部做齊,而對玫瑰錫到燶嘅大海又大送首飾,幾處「神巧合」情節吸引網民喺TVB官方社交平台嘅宣傳片留言,指玫瑰「盜亦有道」,笑言佢係「啱數版何太」。樊亦敏獲封「啱數版何太」 親解玫瑰與大海真愛之謎。
對於呢個封號,「玫瑰姐」樊亦敏笑言:「首先多謝大家咁記得我呢個角色,其實玫瑰同大海係咪真愛,大家睇到落最尾就自然有分曉㗎喇!」佢亦透露玫瑰同大海會有一段浪漫往事即將播出。紅顏知己洪玫瑰(樊亦敏飾)和親生仔女「爭產風波」。
玫瑰對錢大海(鄭則士飾)照顧周到,煲湯、煲粥、整糖水、焗蛋糕全部做齊。
網民笑指煲湯送首飾情節與《東張西望》何伯何太風波神巧合。
至於噚晚(15日)播出呢集,就講述繼來(曹永廉飾)懷疑玫瑰皇后糕秘方外洩,獨自深夜到聶總(魯振順飾)嘅三耳家調查,點知被斷正兼拉上差館!聶總更威脅大海(鄭則士飾)合作,救子心切嘅大海都不得不總屈服,盡顯父愛。另一邊廂,大海喺一鳴 (冼靖峰 Archie 飾)幫助下,發現偷走繼來合約嘅人係阿 Jack(吳子冲飾),因此威脅玫瑰(樊亦敏飾)講出真相,而玫瑰為了保阿Jack 竟然獨攬所有罪名。
繼來(曹永廉飾)懷疑玫瑰皇后糕秘方外洩,獨自深夜前往聶總(魯振順飾)的三耳家調查。
聶總藉此威脅大海(鄭則士飾)合作,大海原本不欲就範,但為了救兒子繼 來,只好向死對頭聶總屈服。
身為「演戲初哥」嘅 Archie 亦繼續大放笑彈!劇情講到阿勇(蕭正楠飾)唔小心將一鳴嘅白色背心洗到縮水,著上「縮水小背心」嘅 Archie 全程尷尷尬尬,表情充滿喜感,小背心更突顯 Archie 平時收收埋埋嘅好身材。Archie最終更被阿蕭意外扯爆小背心而意外露點,場面爆笑。大海在一鳴 (冼靖峰 飾)幫助下,發現偷走繼來合約的人是阿 Jack。
玫瑰為保 Jack 竟扛下所有罪名,二人關係耐人尋味…
網友紛紛留言讚好Archie 嘅鬼馬演出,大讚佢完全冇偶包豁出去演出,Archie 透露普小背心場口係臨時加插,所以事前冇專登操 Fit,Archie又話:「因為件小背心得一件,所以得一次扯爛機會,爛咗就冇第二件,拍嘅時候有傾過點樣扯爛件小背心,但就冇傾扯爛之後會發生咩事,當時已經係拍攝嘅中後段,我同阿蕭都好相信大家,所以扯爛嗰吓嘅反應係最真實,希望觀眾都鍾意呢場戲啦。」Archie 大晒喜感,大騷麒麟臂好吸睛。
Archie 與阿蕭一輪打鬧及混戰後,最終阿蕭意外扯爆小背心。
《神耆小子》周一至五晚 九點半 翡翠台播映