黎姿談細佬黎嬰說話困難望逐步康復 開心偶遇佘詩曼一齊健身

黎姿久未現身公開活動，呢日打扮得高貴出席一間銀行午宴，分享自己首次創作嘅AI畫，當中靈感嚟自佢同三個女兒去旅行嘅片段，更大方分享與愛女嘅親子時光，交流護膚心得，有時佢哋一齊敷面膜傾心事。

黎姿笑指愛女有講吓身邊朋友、校園生活嘅嘢，被問阿女有冇感情煩惱，黎姿覺得阿女仲係細個，希望女兒成年過咗18歲先拍拖，黎姿貴為三女之母，平日又要打理生意，平時又會抽時間運動，佢日前喺健身室偶遇佘詩曼，二人當年曾合作拍經典劇《金枝慾孽》，黎姿好開心見到阿佘。

問到若果有套《美容女王》開拍，黎姿笑指要睇時間同劇本，黎姿弟弟黎嬰於2007年發生車禍，佢透露弟弟健康進展理想，行走仲要一段時間，弟弟講嘢上仍然係困難，希望逐步康復。