任達華20歲學霸女兒讀美國哥倫比亞大學1年學費51萬 孖廿四孝媽媽琦琦著母女裝出門

任達華與琦琦愛女任晴佳（Ella）擁有1.8米高及42吋大長腿，18歲便跟隨琦琦步伐做模特兒，身為學霸嘅任晴佳早前忙於考大學狂推Job，本身喺英國倫敦大學留學，最近佢轉咗去紐約曼哈頓嘅哥倫比亞大學繼續升學。

廿四孝媽媽琦琦近日前往當地陪伴愛女，出門更不約而同著咗母女裝，一身藍色間條恤衫配純色打底衫。

廿四孝媽媽琦琦近日前往當地陪伴愛女，出門更不約而同著咗母女裝，一身藍色間條恤衫配純色打底衫，打扮清爽簡約；而任晴佳早前邀請倫敦寶格麗酒店總經理Mr. Kostas Sfaltos去大學進行交流分享，暢談管理豪華五星級酒店業務及領導才能。

任晴佳早前邀請倫敦寶格麗酒店總經理Mr. Kostas Sfaltos去大學進行交流分享。

任晴佳已轉讀哥倫比亞大學，據知哥倫比亞大學位於美國紐約曼哈頓嘅世界頂級私立研究型大學，美國歷史最悠久嘅五所大學之一，亦係培養出諾貝爾獎獲得者最多嘅大學之一，一年學費係65,340美元（約51萬港元）。 

任晴佳遺傳父母美貌與好身材，擁有精緻五官及逆天長腿。

琦琦同愛女任晴佳一向無所不談，琦琦早前出席活動指阿女仲未拍拖，自己亦唔會指明阿女要同華人拍拖，擇偶最重要係愛女鍾意。
任達華與模特兒老婆琦琦結婚27年一直恩愛如初，育有20歲愛女任晴佳。