台灣組合Energy成員書偉上年12月同謝京穎登記結婚,相隔半年一對新人喺6月9號擺酒,延開36席,除咗雙方嘅親友,仲有大批圈中人到賀,但講到最曯目嘅,一定係Energy全員到場表演喇,書偉仲同老婆一齊嚟個16蹲,展示超強體力。
書偉話因為坤達同牛奶都有結婚經驗,所以佢哋都傳授咗一啲婚禮上要注意嘅事項畀自己,仲同佢講婚禮一定會有突然狀況,只管享受佢就得喇。問到兩位人夫有冇傳授寵妻方法?書偉話就係工作時手機唔會較成靜音,老婆打電話嚟或者係send訊息都要盡快回。
書偉又好識做咁喺台上大讚老婆,話對方親手寫咗300多份祝福小卡畀賓客,仲要每一張都唔同嘅,而自己就只需要簽名就OK,難怪書偉話:「這種老婆哪裡找」
而呢晚到場嘅賓客亦星光雲集,包括二人訂情劇《市井豪門》嘅劇組、書偉新劇拍檔鍾欣凌、王少偉、于子育、洪都拉斯、睇住一對新人成長嘅前輩陳美鳳等,都有到場送上祝福。而當鍾欣凌、王少偉等接受訪問時,佢哋先後向書偉開玩笑,先係鍾欣凌話睇到書偉由一個男生蛻變成男人:「真的很恭喜他,步入婚姻這條不歸路⋯⋯沒沒沒,是很幸福的路。」而王少偉就話自己好少出席婚禮,多數都係禮到人不到,當大家問到佢點解今次會嚟時,王少偉就話:「因為他們算是我圈內少數不會讓我參加第二次或是第三次結婚的人,希望他們百年好合、早生貴子。」
![東張+ | myTV SUPER 24小時即時新聞 本地、國際時事熱話 東張+ | myTV SUPER 24小時即時新聞 本地、國際時事熱話](/tc/scoopplus/img/logo.png)
登入後即可查看我的收藏
登入後即可查看瀏覽記錄
![myTV SUPER myTV SUPER](/tc/scoopplus/img/img__header_superlogo.png)
![myTV SUPER myTV SUPER](/tc/scoopplus/img/icon__header_gosuper.png)