34歲蔣家旻被爆月底與男友海外秘婚 首開腔回應「婚訊」暗藏玄機

蔣家旻早前高調認愛，今日有報道稱佢將於月底同圈外男友周永基喺海外結婚，有圈中好友亦收到邀請。蔣家旻首回應「婚訊」，而回應更暗藏玄機。

蔣家旻相約朱千雪、湯洛雯同岑杏賢聚會，就帶埋男友周永基同行。

蔣家旻以短訊回覆：「唔好意思啊，暫時唔方便做任何訪問，明白大家都要出新聞，但係呢刻我無任何嘢要公布，同埋聽日準備出發去布拉格外景，仲忙緊劇集巨搭（塔）之后既嘅最後歐洲外景。多謝大家關心，如果有消息既話，會係（喺）社交平台上同大家分享。」

34歲蔣家旻被爆月底與男友海外秘婚。

蔣家旻未有斬釘截鐵否認傳聞，相信愛錫蔣家旻嘅人，都期待佢宣佈人生大事嘅喜訊。蔣家旻與男友發展穩定，今年2月上載日本旅遊照片自爆拍拖，原來佢同男友發展地下情逾1年，而喺今年中嗰陣，蔣家旻相約朱千雪、湯洛雯同岑杏賢聚會，就帶埋男友周永基同行，仲大方放閃喺社交平台分享大合照，唔知下一張分享嘅大合照，又會唔會係蔣家旻大日子嘅合照呢！？

蔣家旻與男友發展穩定，今年2月上載日本旅遊照片自爆拍拖。