壽星女容祖兒Mani豪派現金逐枱敬茶 「 I人」鄧小巧怕多人勁尷尬

MBTI16型人格有內向型（I人） 同外向型（E人）區別，喺職場上擁有各自嘅獨特優勢，噚日英皇娛樂為5、6月生日嘅藝人舉行生日會，壽星藝人包括「E人」容祖兒（Joey）及「I人」鄧小巧，同時為７月生日嘅霍汶希（Mani）預祝生日，老闆楊受成亦有出席。

噚日英皇娛樂為5、6月生日嘅藝人舉行生日會。

Mani喺食飯前帶住祖兒同小巧逐枱跟同事敬茶，祖兒多謝大家支持，反而向來性格爽直嘅小巧突然尷尬，細聲稱而家好驚，又指「尷尬癌發生緊」，祖兒隨即安慰叫佢唔使尷尬，雙子座係唔使驚，小巧笑指自己係巨蟹座，眾人聞言即大笑，祖兒續道：「哦，咁你真係應該驚，哈哈。因為雙子座係好大膽㗎嘛！」旁邊嘅Mani笑言：「係呀，我都驚呀！」

Mani喺食飯前帶住祖兒同小巧逐枱跟同事敬茶，祖兒多謝大家支持，反而向來性格爽直嘅小巧突然尷尬。

隨後三位壽星祖兒、Mani同小巧一邊食飯一邊跟同事玩lucky draw，楊受成及三位壽星自掏腰包送出現金獎，為生日會掀起高潮。小巧原來好怕一大班人一齊慶祝，唔識點同所有人打招呼，每次大家唱生日歌都好怕醜，反而人少少講嘢嗰陣佢就大大聲；至於生日願望，三人均表示最緊要身體健康，祖兒話正日生日會同屋企人食飯：「而家密鑼緊鼓為澳門演唱會預備，希望演唱會順利good show！」
三位壽星祖兒、Mani同小巧一邊食飯一邊跟同事玩lucky draw，楊受成及三位壽星自掏腰包送出現金獎，為生日會掀起高潮。小巧原來好怕一大班人一齊慶祝，唔識點同所有人打招呼，每次大家唱生日歌都好怕醜，反而人少少講嘢嗰陣佢就大大聲。至於生日願望，三人均表示最緊要身體健康，祖兒話正日生日會同屋企人食飯。