鍾柔美壓力大靠飲珍奶解壓 甘比讚古天樂鈎織天份高

鍾柔美（Yumi）、甘比、劉沛蘅呢日現身一個品牌活動，開學冇耐嘅Yumi要兼顧拍劇同學業，佢都話呢幾日真係身心疲倦，個靈魂好似飛走咗一樣。加上日前要拍通頂，所以自己都未習慣。雖然係好攰，但Yumi每次見到一眾粉絲就會重拾滿滿元氣，所以佢都好感謝粉絲們畀能量自己。

Yumi因為兼顧學業同拍劇，令佢完全唔夠瞓

而講到獎勵自己嘅減壓方法，Yumi就話係食甜嘢、飲珍珠奶茶，但係最近飲得多，所以佢都要開始節制自己。 Yumi好姊妹姚焯菲（Chantel）啱啱度過18歲生日，雖然Chantel要應付公開試而未能返港，令Yumi覺得有啲可惜。但喺Chantel之前返港時，Yumi已經提早向佢送上唇膏做小禮物，慶祝Chantel大個女。Yumi知道Chantel好期待呢個生日，亦好掛住香港嘅家人、朋友、粉絲。 

近年非常投入鈎織嘅甘比，就連古天樂都要跟佢學藝

近年甘比熱愛鈎織手作，更開咗一間鈎織舖頭，就連古天樂都向佢拜師學藝。甘比大讚呢個徒弟天份高，古仔自己都冇諗過自己可以做得到。至於古仔會將呢份禮物送俾邊個，甘比就話要保密喇！