與周嘉全宣傳全新競技選秀節目 陳懿德呼籲大隻男踴躍報名

陳懿德 同 周嘉全 呢日去到健身室，為全新競技選秀節目《我推的野男Live﹗》拍宣傳片，佢哋更邀請在場健身嘅男士挑戰做體能比拼，德德就將呢個咁辛苦嘅任務交比嘉全，嘉全就話自己拍宣傳片前，啱啱由佛山趕返香港，所以已經體力大透支，仲要面對咁多大隻男，自己都要投降呀。

講到《我推的野男Live!》原來唔止係鬥大隻，德德就話魅力同能力兼備嘅男士，都係佢哋嘅目標人物，德德話喺健身室，見到一位大隻男嘅手臂有成40cm咁粗，粗過自己大腿，令佢相當驚訝。又話好欣賞大隻男背後堅持自律生活嘅決心，所以佢都大力呼籲各位大隻男踴躍報名參加。