福祿壽訓練學院｜陳懿德郭珮文向Twins挑機 學打招牌側手翻屢敗屢戰

Twins招牌側手翻動作經典永流傳，但唔到竟然有人夠膽組隊向佢地挑機！向阿Sa、阿嬌下戰書嘅就係綜藝節目《福祿壽訓練學院》嘅兩位扮工室助理陳懿德、郭珮文（Juliana）。

佢地兩位將會喺決賽當晚化身A貨Twins表演兼大玩側手翻，佢地都要進行密集式訓練。雖然跳舞對兩位而言難度不大，但學打側手翻真係令佢地覺得好頭痕，一開始都不停失手。
 
見Juliana試打過去，雖然都有啲危危乎，不過經過老帥指導後都有所進步。德德就話自己學咗50分鐘都進度緩慢，但估唔到Juliana就然5分鐘就已經學識，令佢覺得好崩潰。但其實德德都唔需要太灰心，因為Juliana識識個就試過打側手翻，而家只係喚醒記憶。兩位亦認為要成功打出側手翻，最需要都係有勇氣踏出第一步！
 
距離決賽日子仲有幾日，到底兩位到時可唔可以有完美演出，大家就要密切留意節目喇！
 
《福祿壽訓練學院》星期日 20:30 翡翠台播映