草蜢相隔九年展開內地巡唱 快閃打卡應援布置大讚有心思

草蜢 呢日現身佛山，出席內地巡唱記招，宣布8月開騷好消息，而呢次更係佢地相隔9年喺內地開騷。草蜢喺記招上更獲粉絲送贈精心手砌嘅拼圖畫，成份拼圖都係由草蜢過去嘅照片組成，有心思之餘亦令三子大為感動。

三子之所以將內地巡唱首站定喺佛山，佢哋解釋因為多年前喺佛山開騷，當地歌迷玩人浪玩到出神入化，所以呢次佢地都好期待大家表現，只要人浪唔停，佢地就會繼續唱。
 
佛山之行令三子最驚喜嘅另一件事，就係收到大家嘅積極點唱，而大家點唱目曲都令佢地大感驚訝，估唔到會係大家想聽嘅冷門歌曲。所以草蜢都笑言：「佛山歌迷有佛山口味，所以返到香港都會為歌單作改動。」
 
雖然行程緊湊，但三子都喺百忙中抽時間去當地地鐵站同演唱會應援海報打卡，佢地仲發現呢個布置好有心思，因為埋藏咗佢地嘅經典歌歌詞，就連歌曲推出年份都連住架！