三位美少女合體開演唱會門票火速售罄 姚焯菲Windy鍾柔美望加場還飛債

Chantel（姚焯菲）、Yumi（鍾柔美）及 Windy（詹天文）三位美少女果然魅力驚人，佢哋7月20 號合體喺麥花臣場館舉行《音樂出沒 Let’s play together》演唱會，門票開賣只係用咗好短時間就全部售罄，絕對可喜可賀！

麥花臣場館舉行《音樂出沒 Let’s play together》演唱會。

唔少歌迷即時向主辦單位詢問會否加場，主辦表示Chantel、Yumi 同 Windy 睇到反應咁好，非常感動及多謝大家支持，佢哋都好想加場，因為屋企人及許多歌迷一樣買唔到門票，不過能否加埸要視乎場地檔期，但佢哋已同公司表示下個月工作安排一定以演唱會行先，已答應歌迷一定會帶畀大家一個精彩難忘嘅演出。三位美少女於7 月7 號亦會合體，下午二點喺將軍澳出席活動跟大家見面，分享今次演唱會嘅預備過程。