Yumi中學畢業禮考第一台上攞獎 告別校園自信十足勇迎新篇章

聲夢小花繼早幾日Windy正式中學畢業之後，呢日就輪到Yumi 鍾柔美 著上畢業袍，正式向6年嘅中學生活講拜拜喇。Yumi過去幾年都要同步兼顧音樂同學業，不過最後一個學年更可以考第一而喺畢業禮上台領獎，認真唔簡單呀。

Yumi亦Post出手捧鮮花嘅校園告別圖輯，又話要多謝老師同一眾同學好友，更指會永遠記得呢段中學時光，最後話：「即將開始新的篇章 新的挑戰 」向自己加油。

近日推出新歌《Crack！》嘅Yumi轉眼已經由妹妹變成少女，新歌打破框框以女追男表達女性要勇於表達自我，下月佢仲會同Windy、Chantel一齊合體展開音樂會。