DJ Soda跨海來港為港台盛典打碟 麥秋成帶領60青少年排盛大舞蹈

第45屆十大中文金曲音樂盛典 今晚喺即將關閉重建嘅九龍灣國際展貿中心舉行，一眾歌手同嘉賓星期六已經於現場開始綵排，好似由韓國來港嘅「亞洲第一女DJ」DJ Soda就係首次參與香港樂壇頒獎禮，超性感現身嘅佢仲指心情既緊張又激動，仲對 鄧紫棋 嘅歌曲有深刻印象，雖然未有機會見面，不過就不時都會聽佢嘅歌咁話。

DJ Soda今晚將會於現場以廣東歌甚至粵曲打碟，呢日佢就話事前花咗成兩個月時間預先聽歌同準備，仲希望會有更多香港朋友接觸到自己嘅音樂呀。此行行程非常忙嘅佢，又指冇時間觀光遊覽所以有啲失望呀。

呢日佢一見到香港特色蛋撻就非常開心，雖然身才出眾，不過佢就指自己亦係吃貨一名喇。去年佢喺日本演出時慘被非禮，雖然係非常不愉快嘅體驗，但係佢就話之後仍然會同Fans近距離接觸，未有被嚇怕呀。

麥秋成 亦會帶領60位舞蹈員為演出綵排，負責排舞嘅佢仲會同DJ Soda嘅打碟環節合作咁話呀。