許靖韻新歌盡顯陰沉氣氛 海邊取景陰雨配合襯托

許靖韻 近日推出非常暗黑風格嘅新歌，早前佢拍攝MV時唔止要喺一間陰間小屋崩潰狂喊，之後又到海邊抒發情緒，加上拍攝當日落起毛毛細雨，就令Angela覺得氣氛同新歌非常配合喇。

雖然聽落好似好陰沉，不過Angela就指歌曲比自己想像較為正面，因為錄音時腦海中嘅畫面極為沉重，但係正因為MV中有海邊一場令整個感覺負能量稍為減少。佢仲話新歌同2017年自己嘅舊作《被討厭的勇氣》非常相似，但係其實兩首歌係完全冇關連嘅。