StarTalk丨霆鋒新戲展現閉氣絕技 憶拍《玉蝴蝶》MV水底咪嘴半首歌

謝霆鋒、衛詩雅同關智斌（Kenny）近日接受TVB娛樂新聞台節目《StarTalk》講吓新戲《海關戰線》，霆鋒首次兼任演員及動作指導，呢次堅持少用特效，盡量真人瞓身演出，Kenny指喺船上拍槍戰場口亦非常難忘，衛詩雅就笑言成日向霆鋒求救，深受師兄呵護，令佢安心拍危險動作戲。

霆鋒以前跟張學友拍戲並冇太多交流，直至呢次合作終於夢想成真，因為霆鋒係學友影迷，當得知今次有合作機會，霆鋒二話不說即參與，亦冇諗過偶像答應獻唱自己作品。

霆鋒喺戲中展現水底閉氣絕技，自爆未到自我極限，希望有機會一shot落拍佢喺水底救人，佢指以前拍《玉蝴蝶》MV喺水底咪嘴咗半首歌，就知霆鋒閉氣絕技有幾勁！