電影泉攻略丨獨家訪《無聲絕境外傳：首襲日》 主角如何維持驚恐狀態丨EP109

王鎮泉 Jeoffrey  每星期為你提供最熱辣電影資訊，中外猛片專訪花絮上映時間全部集齊。「電影泉攻略」每周四買定爆谷陪你睇新戲，今集Jeoffrey就同大家介紹港澳首家杜比影院（Dolby Cinema）嘅體驗。


本週新片速遞有《長夜盡頭的微光》講患有嚴重經前症候群嘅藤澤職場失意，輾轉嚟到天文玩具廠工作，遇上因患驚恐症而錯失大好前途嘅同事山添，同是天涯淪落人，既非友達亦非戀人卻學懂相互扶持。

《壞蛋獎門人4》一班可愛搗蛋嘅Minions又嚟喇！ 壞蛋犀利哥再次升呢做老竇，初生兒子兼接班人犀利B，每日總係包拗頸整蠱作反，此時宿敵惡爺麥斯及華倫天娜逃獄成功，勢要捲土重來，向犀利哥復仇，犀利哥一家人被迫逃亡。

《無聲絕境外傳：首襲日》今次帶領觀眾返去絕境第一日，故事講述外星生物入侵嘅最初幾日，除咗喺首兩集屢次逃出生天嘅伊芙蓮一家之外，仲有另一群倖存者四處躲藏，於危機四伏嘅環境裡，佢哋唯有互相扶助，靠靜默繼續求存。Jeoffrey更同該戲嘅主角雷碧達尼安高及祖瑟昆恩做獨家專訪，講吓佢哋演繹驚恐嘅難度，點樣精準呈現劇本描寫嘅狀態。

至於本週嘅票房龍虎榜截至6月26日中午，第三位《加菲貓：勇闖世界》；第二位《九龍城寨之圍城》；第一位《談判專家》。