林峯同《九龍城寨之圍城》兩位兄弟張文傑、胡子彤,以及「仇家」任賢齊一齊現身上海,出席一個影音平台活動,講到《九龍城寨之圍城》喺華語影壇成為熱話,連串武打場面被大家激讚,小齊就話一切要歸功於動作指導谷垣健治,更以四字真言形容戲中動作。
小齊喺片場見證頻頻捱打嘅後輩們,特別係林峯輪流被古天樂同小齊打得好厲害,拍得相當辛苦,如今大家嘅努力付出得到觀眾認同,全個團隊都好感動。
電影早前宣布會開拍前傳同終章兩部續作,作為主角嘅阿峯呼籲大家畀時間幕後創作劇本,因為電影之前編劇花咗一年時間修改精益求精,希望終章加入更多新人物,同城寨四少擦出不一樣嘅花火。
同場出席活動嘅仲有張家輝,佢近年雖然投入導演工作,但仍有演出唔少作品,呢次佢同導演馬玉柯合作,畀對方好高評價,大讚對方比同佢拍《怒潮》時進步唔少,呢次創作出劇力萬鈞嘅劇本。作為內地新世代男神嘅孫陽人氣當紅不讓,經常飾演純愛角色嘅佢,亦透露呢次新戲嘅角色。
![東張+ | myTV SUPER 24小時即時新聞 本地、國際時事熱話 東張+ | myTV SUPER 24小時即時新聞 本地、國際時事熱話](/tc/scoopplus/img/logo.png)
登入後即可查看我的收藏
登入後即可查看瀏覽記錄
![myTV SUPER myTV SUPER](/tc/scoopplus/img/img__header_superlogo.png)
![myTV SUPER myTV SUPER](/tc/scoopplus/img/icon__header_gosuper.png)