任賢齊成都開騷度58歲生日 萬人大合唱送祝福

任賢齊（小齊）6月23號踏入58歲生日，今年生日小齊身在成都舉行演唱會，期間全場萬人為小齊高唱生日歌度過，今年小齊生日願望係身邊所有人健健康康，開開心心，所以佢早早就吩咐工作人員，「不要幫我搞甚麼慶祝，禮物不要送，蛋糕不用砌，你們都健健康康，開開心心就已經是我最好的禮物」，佢叮囑身邊工作人員，「誰搞慶祝我馬上翻臉」。
任賢齊（小齊）6月23號踏入58歲生日，今年生日小齊身在成都舉行演唱會。

雖然已下令吩咐唔准慶祝，但生日喺巡迴演出度過，來自世界各地嘅歌迷，喺22號頭場已高舉手幅大叫「生日快樂」，連小齊演出過後，回到酒店也被歌迷圍住，獻唱生日歌畀佢聽。嚟到23號正日生日，小齊逃唔過現場歌迷發起萬人大合唱生日歌嘅祝福。一向對電單車著迷嘅佢，更邊騎電單車升台演出，完騷後小齊呢幕更變成抖音熱搜。
當演唱會嚟到尾聲獻唱《有夢的人》時，小齊向所有愛佢嘅人致謝。

當演唱會嚟到尾聲獻唱《有夢的人》時，小齊向所有愛佢嘅人致謝；演出過後，大隊於成都吃麻辣火鍋慶功宴，成都主辦安排三個變臉大師為小齊表演，又請小齊上台砌蛋糕，講咗唔慶祝，結果場面愈玩愈大，仲有拉麵師傅拉小齊上台，用拉麵圍住佢不停跳舞，祝長壽永遠圍繞。
今年小齊生日願望係身邊所有人健健康康，開開心心。

其實小齊今次去成都除咗開騷之外，仲忙裡偷閒去咗郊區古鎮感受成都慢活方式。至於小齊點解唔想慶祝生日？佢直言年紀越大，生活越簡單越自在越好，覺得生日反而應該回家同媽媽慶祝，所以工作完成小齊返彰化老家幾日探望父母。