Twins睽違七年巡唱開鑼 Sa嬌歌單將聽眾帶回青春時光

「TwinsSpirit 22巡迴演唱會」日前首場喺杭州拉開序幕，近萬人跟阿Sa（蔡卓妍）及阿嬌（鍾欣潼）一齊開party。睽違七年，Twins再次喺內地開展演唱會，Twins特別為呢次內地巡迴演唱會訂製全新咪於杭州首站亮相，阿Sa粉紅色配阿嬌粉藍色。

「TwinsSpirit 22巡迴演唱會」日前首場喺杭州拉開序幕，近萬人跟阿Sa與阿嬌一齊開party。

呢次舞台造型亦大大升級，二人以型格十足嘅窩釘造型作為開場，充滿未來感；隨後黃白泡泡裙、藍色水鑽長裙溫柔清新。當晚Twins以《高手看招》開場，隨後唱出《明愛暗戀補習社》、《千金》、《我們的紀念冊》、《瓶中沙》、《星光遊樂園》、《星星月亮太陽》、《戀愛大過天》及《我很想愛他》等歌曲，將聽眾情緒帶回青春時光，回憶滿滿。

睽違七年，Twins再次喺內地開展演唱會！

華麗舞台設計及燈光效果讓觀眾留下深刻嘅印象，當唱到《留言牆》時，歌曲展現二人出道二十三年嚟同粉絲經歷嘅點點滴滴，同時表達對粉絲多年陪伴嘅感恩同感謝，場景令人難忘。作為內地巡迴首站，Twins不僅深情答謝當地歌迷，同時亦係佢哋音樂旅程嘅新起點。Twins演唱會第二站喺７月6號山城重慶開騷。

華麗舞台設計及燈光效果讓觀眾留下深刻嘅印象。Twins組成23年，在演藝路上一直互相扶持。歌曲展現二人出道二十三年嚟同粉絲經歷嘅點點滴滴，同時表達對粉絲多年陪伴嘅感恩同感謝。