林宥嘉再來港現身護膚品活動 7.1生日陪家人小朋友平靜過

林宥嘉 月頭先同 林家謙 喺香港開完音樂會，月尾又現身香港，不過今次就唔關音樂事，而係出席保養品活動，同大家分享護膚心得，現場吸引唔少粉絲到場支持。7月1號就係Yoga嘅37歲生日，所以呢日活動現場都準備咗蛋糕，為Yoga提早慶生，而Yoga就話今年生日已經計劃好要陪屋企人，順便爭取時間好好休息，由於兩個小朋友仲細，所以唔會期待收禮物，而且佢覺得兩兄妹相處融洽，又懂得互相分享，作為爸爸已經好滿足。

Yoga近日忙緊巡迴演唱會，本身好鍾意聽廣東歌嘅佢唔止喺訪問過程大騷流利廣東話，佢仲預告好快會有一首新嘅廣東歌，而且同上一首同林家謙合作嘅《瑪莉晚安了》，呈現方式會有好大唔同，不過對於細節Yoga就大賣關子，只肯透露絕對會比到驚喜大家。